KISAN
DALIBAI A MUBI: Najeriya Ba’a Taki Zaman Lafiya Ba!
Labarin da muka
wayi gari da shi a jiya wanda ya fito daga garin MUBI a jihar Adamawa, labari ne
mai tayar da hankai, kuma mai karkada zukata. Hakika wannan babban abin tashin
hankali ne ace anje har wajen kwanan dalibai anyi musu irin wannan kisa na
gilla! Wannan yake kara nuna sukurkucewar al’amura a Najeriya kuma Wallahi ba’a
taki zaman lafiya ba.
Rahotanni dai sun nuna cewar bayan zaben shugabannin
kungiyar dalibai ta SUG ne wanda aka yi tsakanin Bahaushe dan Arewa da Inyamuri
dan kudu maso gabas, wanda sakamakon zaben ya nuna cewar dan Arewa shine ya
samu nasarar wannan zabe. Mako guda bayan wannan zabe aka bi kusan gabaki daya
daliban da suka samu nasarar wannan zabe aka yi musu kisan gilla; wannan babban
al’amari ne domin rayukan mutane akalla 42 ba wasa bane.
Har ila yau, kamar yadda jaridar Daily Trust ta
ruwaito cewar mutane ne sanye da kayan jami’an tsaro suka dinga aikata wannan
mummunan aiki na ta’addanci, yayin da aka ringa kiran sunan daliban daya bayan
daya suna fitowa, wasu ana harbesu da binduga wasu kuma anyanka su a makogaro.
Wannan abinda ya faru shakka babu daliban da basu sami nasara a wannan zaben ba
su suka aikata shi, domin babu wani maganar boye-boye a cikin wannan lamari.
Amma saboda rashin adalci da rashin gaskiya, sai ake
neman alakanta wannan al’amari da cewa Boko Haram ne suka aikata domin a dauke
hankalin mutane daga ainihin inda gaskiya take. Duk wata kwaskwarima da za’a yiwa
wannan al’amari tabbas dalibai ‘yan kudancin Najeriya musamman Inyamurai da
basu sami nasara a wannan zabe ba, baza su taba fita daga zarginmu ba.
Lallai ne hukumomi su gudanar da binciken na gaskiya
domin gano hakikanin wadan da suka aikata wannan mummunan aikin ta’addanci
domin hukunta su kamar yadda doka ta tanada, ko kuma sakamakon da zai biyo baya
ya kasance mara kyau kwarai da gaske. Kuma Wallahi matukar ba’a yi adalci ba, hukumomi
su sani sun dauki hanyar yamutsa kasar nan. Dole a binciko masu laifi kuma a
hukunta su, sannan dole a biya diyyar duk daliban da suka rasa rayukansu a
sanadiyar wannan al’amari.
yasirramadangwale@gmail.com
http://yasirramadangwale.blogspot.com
www.facebook.com/yasirramadan.gwale
No comments:
Post a Comment